ვინც ოზურგეთის საქალაქო ცხოვრებაში ასე თუ ისე ჩახდეულია, იცის: ოზურგეთის ცენტრში სამშენებლო სამუშაოებია. გამოცხადდა, რომ განახლდება ქალაქის ცენტრი, მოედანი თეატრის წინ, რკინიგზის სადგური და მათი გამაერთიანებელი ჭავჭავაძის ქუჩა. რაკიღა ამ პროცესს არავინ შეწინააღმდეგებია, ვალდებულად ვთვლი ორიოდ სიტყვა ვთქვა, რა და რატომ არ მომწონს.
ჯერ პროცედურული ნაწილი
პროცესი გაუმჭვირვალეა. პროექტებზე კონკურსი არ გამოცხადებულა. საჯარო გახდა უკვე შედგენილი პროექტები და ტენდერი გამოცხადდა მხოლოდ უკვე არსებული პროექტის შესრულებაზე. თუმცა პროექტიც ხმამაღალი ნათქვამია - რეალურად ესაა მხოლოდ მოდელები და მაკეტები, სადაც არც ფონი ჩანს, არც ბუნება, არც სხვა შენობები, არც ქალაქის ურბანული თავისებურებები.
 |
| ყოფილი ფოსტის შენობა ჭადრების ბაღში |
ეს მოდელები კი შეადგინა იმ ჯგუფმა, ვინ თბილისში აღმაშენებლის გამზირისა და კალაუბნის სარებილიტაციო სამუშაოებს ახორციელებდა. ამ მაგალითებით თუ ვიხელმძღვანელებთ, მაშინ ოზურგეთში ისეთივე გაპრიალებული კინოს დეკორაციები უნდა მივიღოთ, როგორც თბილისის ამ ორ უბანში.
პროექტების და იდეების შესარჩევად რომ კონკურსი გამოცხადებულიყო, გაცილებით უკეთესი იქნებოდა.
ქოხი ჭადრების ბაღში
სხვას ამას ვერაფერს დავაქმევ. „შენობა" ძალიან ხმამაღალი ნათქვამი იქნებოდა. პარკებში, სკვერებში და სხვა გამწვანებულ ტერიტორიებზე შადრევნის არსებობა უფრო შესბამისი მგონია, ვიდრე ასეთი გაურკვეველი ფუნქციის ნაგებობების, რომლების მეტი ვარაუდით ლარიანი ფენოვანი ხაჭაპურის, სურსათის და ათასი წვრილმანების გაყიდვის პუნქტად გადაიქცევა.
მართალია, სხვადასხვა ხედია, მაგრამ მაინც, აი ამას
რით სჯობს ეს
ოთხსართულიანი სახლი
მოედანზე მდგარმა ოთხასრთულიანმა საცხოვრებელმა კორპუსმა ორ სიახლეს უნდა გაუძლოს: ფასადის გაძველებურებას და გუმბათიანი სართულის დაშენებას. ფასადზე დეკორატიული, მომრგვალებული ფორმების რელიეფების მოწყობას არავითარი პრაქტიკული დანიშნულება არ აქვს. მომხრეთა რგუმენტი შეიძლება იყოს ის, რომ ახალი ფასადი სახლს გაალამაზებს. თუმცა „გალამაზება" ყველას სხვაგვარად გვესმის, და საერთოდ, ესთეტიკური კრიტერიუმებით ქალაქში სამშენებლო სამუშაოების შეფასება ჩიხში შემყვანია. მეოცე საუკუნეში, საბჭოთა მმართველობისას აგებული საცხოვრებელი კორპუსის მიმსგავსება მეცრამეტე საუკუნის არქიტექტურისადმი, თითქოსა "под старину" გადაკეთება მხოლოდ სიყალბის შთაბეჭდილებას ტოვებს.
იგივე ეხება ამ შენობაზე ერთი სართულისა და ამ სართულზე გუმბათის (!) დაშენებას.
იუსტიციის სახლი
შესავალში აღვნიშნე, მიმდინარე პროცესებს არავინ შეწინააღმდეგებია მეთქი. იუსტიციის სახლთან აღმოჩენილი აბანოების საკითხი გამონაკლისია. ამაზე ადგილობრივმა პოლიტიკოსებმაც და მედიამაც გაამახვილა ყურადღება.
იუსტიციის სახლის შენობამ დაავიწროვა მოედანი და რაც ყველაზე მთავარია, დაფარა გურიის ქედის ხედი, რაც საუკეთესო რამაა, რაც ოზურგეთში ცენტრში შეგვიძლია ვიხილოთ. სამართლიანობისთვის ისიც უნდა დავამატო, რომ ამ მხრივ კომუნისტების დროინდელი 12 სართულიანი საცხოვრებელი სახლიც სცოდავს. ასევე აუცილებლად უნდა მოვიწონო იუსტიციის სახლის შენობის არქიტექტურა, განსაკუთრებით კი მისი მასშტაბები. ის კარგად ჩაეწერა ოზურგეთის ცენტრში არსებულ სხვა შენობათა ანსამბლში.
ცუდი კი ისიცაა, რომ ამ სახლისთვის პარკინგი არ გაითვალისწინეს. ავტომობილების დასაყენებელი ადგილები მონიშნულია იმ სკვერის ირგვლივ, რომელიც მოედანზე უნდა მოეწყოს. გავითვალისწინოთ ჩვენი გარდარეული სიყვარული მანქანების მიმართ და წარმოვიდგინოთ დიდი და შავი ჯიპები ამ სკვერის ირგვლივ.
.jpg)
მოედანზე კი ჯერჯერობით სარეკლამო ბანერებია გამოკრული წარწერით „ოზურგეთი 2012". მე კი მახსოვს 4 წლის წინ ასევე გაზაფხულზე ბაზართან გაკრული ბანერი ლამაზი მოდელებით და წარწერით „ოზურგეთი 2008"