გურიის ისტორია რუკებით / Historical Maps of Guria

დ

გიიომ დელილის რუკა, 1723 წ. დასავლეთ საქართველო ოსმალეთის იმპერიის გავლენის ქვეშაა. რუკაზე აღნიშნულია გურია და მისი მნიშვნელოვანი პუნქტები: ოზურგეთი, შეკვეთილი, ქობულეთი

ოსმალეთი აზიაში, ჰერმან მოლი, 1736 წ. რუკაზე აღნიშნულია „გურიელი“

ვახუშტი ბატონიშვილის რუკა, 1740-იანი წლები, გურია მარცხნივ ქვემოთ, მწვანე ფერით. ამ პერიოდში გურია ცალკე სამთავროა

ემანუელ ბოუენის რუკა, 1747 წ. გურიაში ჩანს შეკვეთილი, ქობულეთი, გონიო, ხოფა

1766 წლის რუკა. რუკაზე აღნიშნულია ჯუმათი, საბერიძეო, ბაილეთი, ასკანა, ოზურგეთი, ლიხაური, ალამბარი, აჭი, ხინო, ჩმოულეთი (?), ქაჯეთის ციხე, ბათუმი, ხინო, ერგე

უილიამ ფადენი, 1785 წ.

ლუი ვივიენ დე სან-მარტინი, 1787 წლის რუკა

რიგობერტ ბონი, 1787 წ

ჟან-პიერ ბურინიონის რუკა, 1794 წ. გურიის შემადგენლობაში ჩანს ბათუმი, ქობულეთი, შეკვეთილი, გრიგოლეთი. ოზურგეთი. გურიას და ოსმალეთს შორის საზღვარი გონიოზე გადის.

კავკასია 1799 წელს. გურია ოსმალეთის იმპერიაშია ნაჩვენები, თუმცა ფორმალურად ის დამოუკიდებელი სამთავროა და მას რეგენტი ქაიხოსრო მართავს, რადგან მამია V გურიელი ჯერ მცირეწლოვანია. ქვემო გურია, იგივე ჩურუქ-სუ, დღევანდელი ქობულეთის რაიონი ოსმალეთის იმპერიას აქვს მიტაცებული.

ჯონ კერის რუკა, 1801 წ.

იოჰან რაინეცკე, 1804 წ. რუკაზე „გურიელის“ ფარგლებში ნაჩვენებია მდინარეები სუფსა, კინტრიში (შეცდომაა: აქ ნატანები უნდა იყოს) და შეკვეთილი (ჩოლოქი). დაბები: ჯუმათი, კირკულეთი (გრიგოლეთი?), ოზურგეთი, შეკვეთილი

1810 წელი, გურია კვლავ დამოუიდებელი სამთავროა, მაგრამ მის უკანასკნელ მთავარს, მამია V გურიელს რუსეთის იმპერიასთან მფარველობის ხელშეკრულება აქვს გაფორმებული. რუკაზე აღნიშნულია იმდროინდელი გურიის მნიშვნეოვანი პუნქტები: ოზურგეთი, გურიანთა, ჩოხატაური, ასევე შემოქმედის მონასტერი. ჩანს გურიაში შემომავალი ერთადერთი გზა სამტრედიიან ჩოხატაურის გავლით. ოსმალეთის მიერ მიტაცებულ ნაწილში რუკაზე დატანილია ბათუმი და ლივანი (დაახლოებით ოჩხამურის ახლოს)

უილიამ დარტონის რუკა, 1811 წ

აარონ ეროუსმითის რუკა, 1812 წ.

ჯონ პინკერტონი, 1813 წელი

ლუკას ფილდინგის რუკა, 1823 წ. გურიაში ოზურგეთი, გრიგოლეთი, ალამბარი, გონიო

ლუი ვივიენ დე სან მარტინის რუკა, 1824 წ. აღნიშნულია შეკვეთილი, ჩოლოქი, ბათუმი. საზღვარზე გონიო

დანიელ ლიზარსის რუკა, 1831 წ. ქვემო გურია აქაც გურიის ფარგლებშია

1835 წლის რუკა. აქ ჩანს, რომ გურია ორადაა გაყოფილი. ქვემო გურია ბათუმითურთ ოსმალეთის იმპერიაშია, ნაგომარი და ნიკოლოზი (შეკვეთილი) რუსეთის იმპერიაში

კავკასია ყირიმის ომის (1853-1856) დროს. გურია ოზურგეთის მაზრის სახით რუსეთის იმპერიის ნაწილია.

ჰაინრიხ ბერგჰაუსის რუკა, 1855 წ. მწვანედ რუსეთის იმპერიის საზღვრებია შემოხაზული. ამ დროს სამეგრელოს სამთავრო ჯერ კიდევ არ არის გაუქმებული, გურიისა კი უკვე გაუქმებული და ანექსირებულია რუსეთის იმპერიის მიერ

ომის შემდეგ, გეორგ დოდის რუკა, 1856 წ.

კოლტონ ვულუორთის რუკა, 1856 წ. რუკაზე გურიაში აღნიშნულია ოზურგეთი, ნიკოლოზი (შეკვეთილი) და ფოთი

კავკასია 1856 წელს. რუკაზე დატანილია მაშინდელი გურიის მნიშვნელოვანი პუნქტები: მაზრის ცენტრი ოზურგეთი, ხვარბეთი, მალთაყვა, წმ. ნიკოლოზი (შეკვეთილი), ლანჩხუთი, ლესა, ლიხაური, ნაგომარი, აკეთი, ჩოხატაური

ქუთაისის გუბერნია, 1857 წ.

1861 წ. ალექსანდრ კეით ჯონსტონის რუკა. ოსმალეთისა და რუსეთის იმპერიების საზღვარი. ლაზისტანი და ქვემო გურია ოსმალეთის იმპერიის შემადგენლობაშია. საზღვარი ჩოლოქზე გადის