პირველი მაისი პირველად გურიაში 1892 წელს აღნიშნეს, მაშინ როცა თბილისში პირველად 1899 წელს აღინიშნა მცირე მასშტაბით და ქალაქგარეთ, ხოლო 1901 წელს - მიტინგით ქალაქის მოედანზე, რომელსაც, სხვათა შორის, სოციალ-დემოკრატიული გაზეთ „კვალის“ რედაქციის გაჩხრეკვა და ნოე ჟორდანიას ერთწლიანი დაპატიმრება მოჰყვა.
სოციალ-დემოკრატიული იდეებით გატაცებული გურულებისთვის 1 მაისი მნიშვნელოვანი თარიღი იყო და მას შეძლებისდაგვარად აღნიშნავდნენ 1904 წლამდე. ცნობილია, რომ პირველი მაისი 1904 წელსაც აღნიშნეს ქალაქ ოზურგეთის ბაზარსა და მაზრის სხვადასხვა სოფლებში.
სოციალ-დემოკრატიული იდეებით გატაცებული გურულებისთვის 1 მაისი მნიშვნელოვანი თარიღი იყო და მას შეძლებისდაგვარად აღნიშნავდნენ 1904 წლამდე. ცნობილია, რომ პირველი მაისი 1904 წელსაც აღნიშნეს ქალაქ ოზურგეთის ბაზარსა და მაზრის სხვადასხვა სოფლებში.
1906 წელს, 1905 წლის რევოლუციის დამარცხების და გურიაში აჯანყების სასტიკი ჩახშობის შემდეგაც კი არ შეშინებიათ გურულებს 1 მაისის აღნიშვნა. ერთი ასეთი ფაქტია ცნობილი სოფელ ბაილეთში საპირველმაისო მიტინგის გამართვისა.
მონაწილის, მიზარბერ გობრონიძის ცნობით (მაისობა გურიაში, ლენინის დროშა N 35, გვ 1, 1937 წ.) სოფელ ნაურმევში ნოე დარჩიას ქუხნაში შეიკრიბნენ:
სევასტი შავიშვილი, ხალამპრე ხავთასი, ბესარიონ რუსიძე, ილარიონ ქილიფთარი, სამსონ
გოგუაძე, სამსონ დარჩია, ლიდერი ისიდორე ჩხარტიშვილი. მიტინგში ჯუმათის, სილაურის და ახალსოფლის გლეხობას უნდა მიეღო მონაწილეობა.
ისიდორე ჩხარტიშვილი და კალისტატე დარჩია
1906 წლის 1 მაისს, 10 საათზე, ბაილეთში, გურიელის სასახლესთან, კახამბალის ქვეშ დაიწყეს თავის მოყრა გლეხებმა., ბურთაობა უნდა გამართულიყო. ოზურგეთისკენ მიმავალ გზაზე მზვერავად იყო გაგზავნილი პორფილე დობორჯგინიძე. 12 საათზე ემარკოზ ჩხარტიშვილმა ააფრიალა წითელი დროშა და გახსნა მიტინგი. სიტყვები წარმოთქვეს ისიდორე ჩხარტიშვილმა და დათიკო კილაძემ.
ამასობაში მოვიდა ცნობა ოზურგეთიდან მომავალი ჟანდარმების შესახებ.
მიტინგი დაიშალა, დაიწყეს ცეკვაობა, ბურთაობა, ლელოს თამაში. მოვიდა 8 ჟანდარმი, ვერაფერი შეამჩნიეს, დახვდათ მხოლოდ მობურთალი და მოცეკვავე ხალხი, прямо прелесть-ო განაცხადეს და წავიდნენ.
ეს არ იყო ერთადერთი ფაქტი: იმავე დღეს ეკალდიდის ტყეში ჩატარდა არალეგალური პირველმაისობა, სადაც სამასამდე კაცმა მიიღო მონაწილეობა და ა.შ.
მასალები გაზეთ „ლენინის დროშის“ არქივიდან
სურათზე გამოსახული 1905 წლის გამოსვლების მონაწილე ისიდორე ჩხარტიშვილი არის მარჯვნივ ულვაშა მამაკაცი და არა მარცხნივ გამოსახული პიროვნება.ისიდორე ივაკის ძე ჩხარტიშვილი და მასთან ერთად მებრძოლი კალისტატე ილარიონის ძე დარჩია განისვენებენ ჯუმათის/ნაურმევი-ძირჯუმათის/სასაფლაოზე.საფლავს შესაბამისი წარწერაც აქვს,,მოკლული იქნენ 1907 წელს მეფის ოხრანკის მიერ,,.მათი შთამომავლები დღესაც ცხოვრობენ ძირჯუმათში,მონასტერთან ახლოს.
ReplyDeleteმადლობა ინფორმაციისთვის
Delete